Saltar al conteníu principal

Gobiernu del Principáu d'Asturies

Asturies, muncho más cerca

banda de sede
 

Tas en

Asturias.es Sede Electrónica Subvenciones pa la promoción del ...

2002113-Subvenciones pa la promoción del llibru n’asturianu y en gallego-asturianu

Tramita al traviés d'Internet

Consiste en

Llograr ayudes económiques a empreses editoriales pa la edición de llibros orixinales (o traducíos d’otres llingües) n’asturianu y en gallego-asturianu.

Imprimir

Requisitos

  1. Ser empresa privada (persona física o xurídica) que tenga como oxetu social, únicu o ente otros, la edición de llibros, y que tenga la so casa social, establecimientu o delegación comercial nel Principáu d’Asturies.

  2. Presentar unu o dellos proyectos editoriales n’asturianu o en gallego-asturianu de testos orixinales o traducíos d’otres llingües, d’obres primeramente editaes n’otres llingües, con una tirada mínima de 300 exemplares y con una estensión non inferior a 50 páxines, quitando en llibros infantiles y xuveniles.

Imprimir

Precises

  1. Ficha d’acreedores acompañada, según proceda, de copia del DNI o NIF de la empresa, debidamente rellenada y tramitada pola entidá bancaria. (Esti documentu ha presentase namás cuando se solicite subvención del Principáu d’Asturies per primer vez, o cuando se produxera dalgún cambéu que tenga de ser conseñáu na mesma).

  2. Proyectu detalláu, teniendo como conteníu mínimu ya imprescindible el siguiente:

    • Títulu, autor/a y tipu d’obra (acompañáu d’una copia, impresa en papel, del testu completu que se va editar o traducir, documentación que nun va ser devuelta).
    • Reseña curtia de la trayectoria del autor o autora nel ámbitu de la lliteratura n’asturianu o gallego-asturianu (especificando, nel so casu, llibros publicaos, artículos y galardones).
    • Característiques técniques del llibru (formatu, papel de cubierta ya interior, tintes, encuadernación, etc.).
    • Nel casu de traducciones axuntaráse muestra de cinco folios de la traducción (acompaña presentase una reseña curtia de la trayectoria del traductor/a y el númberu de folios tipu.
    • Reseña curtia de la trayectoria de la empresa editorial, o de profesionales de la mesma que s’encarguen del proyectu, n’actividaes d’edición de llibros.
    • Catálogu editorial y ámbitu y puntos de distribución comercial.
  3. Presupuestu equilibráu qu’incluya les partíes que la integren, recoyendo los gastos ya ingresos de l’actividá pa la que se solicita ayuda onde se recueya l’aportación económica de la persona o entidá solicitante pal desenvolvimientu de l’actividá; esta ha ser polo menos d’un 10 % del presupuestu total de l’actividá.

    Nel presupuestu va facese constar l’importe de l’ayuda económica solicitada pola entidá peticionaria, que nun tendrá d’entepasar del 90 % del presupuestu total del proyectu.

    • Copia del últimu recibu d’ingresu de cuota del Réxime Especial de Trabayadores Autónomos.

    • Copia d’escritura de constitución y les sos modificaciones. (Si se solicita más d’un proyectu, esti documentu solo va ser mester presentalu nuna ocasión).

      Sía que non, si la escritura yá foi presentada enantes pola entidá solicitante en cualesquier Alministración, nun va tar obligada a presentar esta documentación, siempre qu’indique en qué momentu y énte qué órganu alministrativu se presentó.

  4. Si t'opones a que'l Principáu d'Asturies pida información n'otres Alministraciones Públiques o estos documentos nun se presentaron enantes en cualquier Alministración, necesites amás:
  5. Documentu actualizáu acreditativu de tar dada d’alta nel correspondiente epígrafe del IAE.

  6. Informe de situación d’alta d de la entidá solicitante nel Sistema de la Seguridá Social a la fecha de presentación de la solicitú (solo para persones físiques).

  7. Documentación acreditativa de que la entidá solicitante tien la so casa social, establecimientu o delegación comercial nel Principáu d’Asturies.

  8. Xustificación de la subvención:

    • Para xustificar la subvención tendrá de presentase, ente otra documentación, una relación clasificada de gastos ya inversiones de l’actividá según el modelu (anexu II) de la convocatoria.
  9. Certificación acreditativa de tar al corriente nel cumplimientu de les obligaciones cola Seguridá Social.

  10. Certificación acreditativa del cumplimientu dobligaciones tributaries, espedida pola Axncia Estatal d’Administración Tributaria.

  11. Certificación acreditativa del cumplimiento de obligaciones tributaries cola Facienda del Principáu.

  12. Documentu nacional d’identidá o documentu acreditativu de la identidá o tarxeta d’identidá de la persona estranxera residente en territoriu español.

  13. Tarxeta acreditativa del númberu d’identificación fiscal de persona xurídica.

Interésate saber

  1. CRITERIOS DE VALORACIÓN

    • Calidá ya interés lliterariu de la obra presentada: máximu 30 puntos.
    • Grau de corrección llingüística de los testos: máximu 25 puntos.
    • Característiques técniques de la edición: máximu 15 puntos.
    • Trayectoria de la empresa editorial, o de profesionales de la mesma que s’encarguen del proyectu, n’actividaes d’edición de llibros: máximu 10 puntos.
    • Trayectoria del autor o de l’autora o traductor o traductora nel ámbitu de la lliteratura n’asturianu o gallego-asturianu: máximu de 10 puntos.
    • Interés cultural y social de la obra presentada: máximu 10 puntos.
  2. GASTOS SUBVENCIONABLES

    Pa l’aprobación del presupuestu presentáu pola empresa va tenese en cuenta:

    • Considérense gastos subvencionables aquellos que de manera indubitada respuendan a la naturaleza de l’actividá subvencionada, resulten puramente necesarios y se realicen antes de la finalización del plazu de xustificación. En nengún casu’l costu d’alquisición de los gastos subvencionables va poder ser superior al valor de mercáu.
    • Nun podrá incluyise como gastuo subvencionable l’importe del IVA deducible cuando la empresa o entidá beneficiaria tea obligada a realizar declaración del impuestu mentáu.
    • Nun van ser subvencionables los gastos xeneraos por equipamientu o inversión, mesmo que los aniciaos por dietes, mantención o atenciones protocolaries.
    • Nun van ser subvencionables los siguientes gastos corrientes: agua, lluz, asesoríes y asemeyaos.
    • Van considerase gastos indirectos del proyectu los d’arriendu de locales, teléfonu, Internet, ente otros, y van ser subvencionables nel porcentaxe que se va afitar na correspondiente convocatoria, siempre que seyan necesarios y xustificaos pal desenvolvimientu del proyectu pal que se solicita ayuda y s’estableza claramente’l porcentaxe d’imputación de los mesmos nel presupuestu presentáu.
    • Tocantes a los gastos directos del proyectu solo van ser subvencionables los relativos a coordinación editorial, derechos d’autor del testu, diseñu y maquetación, preimpresión, impresión y encuadernación, ilustraciones, fotografíes, traducción, corrección ortotipográfica y estilística, y gastos de distribución y comercialización. Estos postreros namás van entendese subvencionables si nel proyectu presentáu consta plan de distribución comercial y s’establez claramente’l porcentaxe d’imputación d’esta clase de gastos nel presupuestu presentáu.
    • Los gastos de derechos d’autor van almitise hasta un importe máximu del 15 % del presupuestu aprobáu.
    • Los gastos d’impresión van computase al 100 % en tiraes d’hasta un máximu de 700 exemplares; pa tiraes superiores va realizase un amenorgamientu proporcional de dichu porcentaxe.
    • Los gastos de personal (salarios y seguridá social) solo van ser almitibles por un importe máximu del 20 % del presupuestu aprobáu, siempre que s’acredite pola empresa beneficiaria la so relación directa col proyectu y se determine claramente’l so porcentaxe d’imputación. Sicasí, en casos escepcionales debidamente apreciaos pola Comisión de Valoración, podrá alzase dichu porcentaxe hasta’l 40 % del presupuestu aprobáu.
    • Les retribuciones de les relaciones de los socios o les socies de les empreses cola mesma empresa, esto ye, los trabayos pal proyectu que se retribuyen por aciu nómina o factura, nun van poder superar el 20 % del presupuestu aprobáu. Sicasí, en casos escepcionales debidamente apreciaos pola Comisión de Valoración, podrá alzase el mentáu porcentaxe hasta’l 40 % del presupuestu aprobáu.
    • Nel casu de que la beneficiaria de l’ayuda sía una persona física dada d’alta nel Réxime Especial del Trabayu Autónomu, el trabayu desenvueltu por ella mesma para la execución del proyectu nun va poder superar el 20 % del importe del presupuestu aprobáu. Sicasí, en casos escepcionales debidamente apreciaos pola Comisión de Valoración, podrá alzase dichu porcentaxe hasta’l 40 % del presupuestu aprobáu.
    • Nel casu de les ayudes a la traducción va establecese, en cada convocatoria, un preciu máximu por foliu tipu de 1.800 calteres, que se va calcular sobre l’orixinal.

    Nel casu de que’l presupuestu presentáu pola entidá solicitante incluyera gastos consideraos como non subvencionables nel presente artículu, la Comisión de Valoración nun los va computar en vistes a determinar el presupuestu aprobáu, lo que va ser tenío en cuenta pa la determinación del importe de la subvención.

  3. CUANTÍA

    La cuantía máxima por proyectu va ser de 6.000€.

    L’importe de l’ayuda económica solicitada pol peticionariu nun tendrá d’entepasar del 90% del presupuestu total del proyectu.

  4. PROYECTOS

    Ensin perxuiciu de la posible presentación de diversos proyectos por cada solicitante, en nengún casu l’importe de l’ayuda concedida a cada persona, entidá o empresa beneficiaria va poder superar la cuantía máxima de 35.000€. N’esi casu, y en vistes a nun superar la mentada cuantía, van entendese automáticamente desetimaos los proyectos presentaos por una mesma entidá solicitante que llograren peor puntuación en relación a los sos proyectos meyor puntuaos

Plazu de solicitú

Plazo Por AbrirDende :

29/05/2019   

Hasta:

26/06/2019

Cómo solicitalu

Pasu  1:
Iniciar solicitú

Respondémoste por aciu de

1.  BOPALa resolución del procedimientu va publicase nel Boletín Oficial del Principáu d’Asturies. La publicación mentada va surtir efectos propios de la notificación.

Recursos

1.Recursu potestativu de reposición o contencioso-alministrativu

La to solicitú va ser tramitada al traviés de

Servicio de Normalización del uso de la lengua asturiana e investigación

La to solicitú va ser resuelta por

CONSEJERIA DE CULTURA, POLITICA LLINGÜISTICA Y TURISMO

Códigu 2002113

Otres formes de tramitación

Como firmar tus solicitudes

 

Compruebe aquí los requisitos para la firma

 

Verifique aquí que su equipo tiene la configuración técnica necesario para la firma en la tramitación de este servicio.

 

De nun tar rexistráu has facelo, too sonventayes. Pues consultar les tos esperiencies y facer los tos trámites dende la web.

Tienes duldes...
012 | Contacta con nós

Información sobre el documento

© Copyright 2006. Gobiernu del Principau d'Asturies