Saltar al conteníu principal

Gobiernu del Principáu d'Asturies

Asturies, muncho más cerca

fnd_sedeElectronica_ast.jpg
 

Proteición de datos

Proteición de datos

L’Alministración del Principáu d’Asturies garantiza la confidencialidá de los datos personales que se faciliten al traviés de les páxines corporatives, ente les que s’atopen tamién les de la sede electrónica, nos términos establecíos pol Reglamentu (UE) 2016/679 del Parllamentu y del Conseyu, de 27 d’abril del 2016, relativu a la protección de les persones físiques al respective del tratamientu de datos personales y a la circulación llibre d’estos datos (RGPD).

Los datos que se piden al traviés de los formularios o solicitúes existentes nestes páxines web van tratase nos términos descritos nes cláusules informatives que figuren al pie de los mesmos, van ser los puramente necesarios, afayadizos y pertinentes pa la finalidá pa la que se recueyen y van ser sometíos a un tratamientu automatizáu que la so finalidá ye la tramitación de solicitúes, reclamaciones y/o iniciatives amás de la xestión del serviciu d’atención al ciudadanu.

Sicasí, con calter supletoriu, nel casu de formularios o solicitúes que nun tengan eses cláusules, va ser aplicable la Política de Privacidá.

El Principáu d’Asturies informa de que va tratar los datos de manera llícita, lleal, tresparente, afayadiza, pertinente, limitada, exacta y actualizada.

D’alcuerdu col artículu 12 y siguientes del RGPD, puen exercese los derechos d’accesu, rectificación, supresión, oposición, limitación del tratamientu y portabilidá.

Cola entrada en vigor del Reglamentu (UE) 2016/679 del Parllamentu Européu y del Conseyu, Reglamentu Xeneral de Protección de Datos, el 25 de mayu del 2018 (RGPD) desapaez la obligación de notificar la inscripción de ficheros nel Rexistru de Ficheros de l’Axencia Española de Protección de Datos.

Esta mesma norma establez nel so Artículu 30 la obligación d’ellaborar y caltener actualizáu’l Rexistru d’Actividaes de Tratamientu.

Titulo Contacta

Serviciu d'atención al ciudadanu